გაკვეთილის გეგმა

გაკვეთილის გეგმის ფორმა

მასწავლებლის სახელი, გვარი, პირადი ნომერი: სერმან მურჯიკნელი

საგანი: მათემატიკა

სწავლების საფეხური/კლასი: დაწყებითი, VI

მოსწავლეთა რაოდენობა: 20  მოსწავლე    (სსმ  მოსწავლე არ მყავს)

გაკვეთილის თემა: სხვადასხვამნიშვნელიანი წილადების შეკრება

გაკვეთილის მიზანი: V.2.მოსწავლეს შეუძლია არაუარყოფით \რაციონალურ რიცხვებზე არითმეტიკული მოქმედებების შესრულება და მოქმედებათა შედეგის შეფასება.

შედეგი თვალსაჩინოა, თუ მოსწავლე

იყენებს წილადის ძირითად თვისებას წილადებზე  შეკრება-გამოკლების მოქმედებების შესრულებისას.

№	აქტივობის აღწერა	გამოყენებული მეთოდი/მეთოდები	კლასის ორგანიზაციის ფორმა/ფორმები	სასწავლო რესურსები	დრო(წთ)
1.	საორგანიზაციო საკითხების მოგვარების შემდეგ, მასწავლებელი მოსწავლეებს უჩვენებს  სახალისო ვიდეოს, რათა გაახსენოს წილადის რაობა. შემდეგ მასწავლებელი სვამს კითხვებს: ●     ჩამოვაყალიბოთ წილადის ძირითადი თვისება; ●     როგორ შევკრიბოთ ტოლმნიშვნელიანი წილადები და რას ნიშნავს გავაერთმნიშვნელიანოთ წილადები?	ინტერაქციული მეთოდი	მთელი კლასი	დაფა, ცარცი, ქსელში ჩართული კომპიუტერი, პროექტორი	5 წთ
2.	ახალი მასალის გაცნობის მიზნით, მასწავლებელი მოსწავლეებს წარუდგენს ორ ამოცანას- პირველი,  ტოლმნიშვნელიანი წილადების შეკრება, ხოლო მეორე  კი  სხვადა-სხვამნიშვნელიანი წილადების შეკრება. გამოიძახებს მოსწავლეებს ამ ამოცანების ამოსახსნელად. პირველ ამოცანას რა თქმა უნდა ამოხსნიან მოსწავლეები, მეორე ამოცანის ამოხსნისას  კი ისინი წააწყდებიან პრობლემას. ამოცანა 1:  დედამ ვაშლის  1/4 ხატიას მისცა, ხოლო  2/4 ბექას. ვაშლის რა ნაწილი მისცა დედამ ორივეს? ამოცანა 2:  :  დედამ  ფორთოხლის1/4 ხატიას მისცა, ხოლო 1/3 ბექას. ფორთოხლის   რა ნაწილი მისცა დედამ ორივეს?	პრაქტიკული მუშაობა	მთელი კლასი	დაფა, ცარცი,	8 წთ
3.	მოხდება მოსწავლეთა დაყოფა  4 წევრიან ჯგუფებად და ინსტრუქციის მიცემა ჯგუფური მუშაობისთვის. დავალება ჯგუფებში მუშაობისთვის: გამოიყენეთ წილადის ძირითადი თვისება ( როგორც ამას ვაკეთებთ სხვადასხვამნიშვნელიანი წილადების შედარებისას) და შეკრიბეთ სხვადასხვამნიშვნელიანი წილადები:    ა) ¾+1/12             ბ) ¼+3/5              გ) 1/8+3/6 1)      გაიაზრეთ როგორ შეკრიბთ სხვადასხვამნიშვნელიანი წილადები და ჩამოაყალიბეთ სხვადასხვამნიშვნელიანი წილადების შეკრების წესი.	პრაქტიკული მუშაობა	ჯგუფური მუშაობა	დაფა, ცარცი, თაბახის ფურცლები	8 წთ
4.	თითოეული ჯგუფი წარმოადგენს  ნამუშევრებს დაფასთან და კითხვა-პასუხის საშუალებით იმსჯელებენ როგორ უნდა შეკრიბონ სხვადასხვამნიშვნელიანი წილადები. აქტივობის დამთავრების შემდეგ (მოხდება ჯგუფური მუშაობის შეფასება განმავითარებელი  შეფასებით, აქვე მოხდება ურთიერთშეფასება ჯგუფებს შორის).	ზეპირი მსჯელობა, პრაქტიკული მუშაობა	ჯგუფური მუშაობა	სახელმძღვანელო	8 წთ
5	მოსწავლეებს დაურიგდებათ სამუშაო ბარათებზე 4 ვარიანტად. გასასვლელი ბარათის ნიმუში 1)      შეკრიბეთ წილადები: ა) ½+3/8 2)      ამოცანა: მეტალის მილი გაჭრეს ორ ნაწილად რომელთა სიგრძეებია  1/3 მ და 1/8 მ. რა სიგრძის იყო მილი გაჭრამდე?                                                სამუშაოს დასრულების შემდეგ ერთმანეთის გვერდზე მჯდომი მოსწავლეები უცვლიან ერთმანეთს ბარათებს და აფასებენ ერთმანეთის ნამუშევრებს. შემოწმების შემდეგ ქვეშ უნდა მიაწერონ თუ ვინ შეამოწმა ესა თუ ის ბარათი .     შემდეგ მოსწავლეებს ვთხოვ ბარათები ჩამაბარონ, რათა გაკვეთილის შემდეგ შევამოწო მათი ნამუშევრები  და შედეგები გამოვიყენო შეფასებისთვის. მიღებული შეფასებები კომენტარებით მოსწავლეებს მიეწოდებათ მეორე დღეს.  (შეფასება მოხდება, როგორც განმსაზღვრელი ასევე განმავითარებელი შეფასებით)	პრაქტიკული სამუშაო	ინდივიდუალური	გაცვლის ბარათები	8 წთ
6	ნასწავლი მასალის განმტკიცებაის მიზნით, პრეზენტაციას თემაზე -სხვამნიშვნელიანი წილადების შეკრება  საშინაო დავალების მიცემა	ტესტირება	ინდივიდუალური	ქსელში ჩართული კომპიუტერები	8 წთ

გაკვეთილის ბოლოს მისაღწევი შედეგი:

·         მოსწავლე შეძლებს წილადის ძირი-თადი თვისების გამოყენებით სხვა-დასხვამნიშვნელიანი წილადების შეკრებას და შეკრების წესის ჩამოყა-ლიბებას.   

·         მოსწავლე შეძლებს სხვადასხვა-მნიშვნელიანი წილადების შეკრე-ბის  გამოყენებას პრაქტიკული ამო-ცანების ამოხსნისას.

·         მოსწავლეს განუვითარდება  მსჯე-ლობის უნარი.

დანართი 1

  შეფასების სქემა დაკვირვებისთვის

კრიტერიუმები	1-4	5-7	8-10
გაკვეთილს მსვლელობაში მონაწილეობა	არ მონაწილეობს გაკვეთილის მსვლელობაში, ან მონაწილობს და ვერ ახერხებს საკუთარი აზრების გასაგებად ჩამოყალიბებას.	ჩართულია საგაკვე ლო პროცესში, აქტიურად გამოთქ-ვამს მოსაზრებებს, მაგრამ ყოველთვის ვერ ასაბუთებს მათ. კარგად ვერ ფლობს მათემატიკურ ენას.	აქტიურადაა ჩართუ ლი საგაკვეთილო პროცესში. აზრებს გა მოთქვამს მკაფიოდ, გასაგებად და უმეტეს შემთხვევაში დასა- ბუთებულად, პატივს სცემს სხვის  აზრს. ფლობს ტერმინოლო გიას.
ჯგუფში მუშაობა	ვერ ან არ მუშაობს ჯგუფის წევრებ-თან ერთად, ცუდად თანამშრომლობს  მათთან. უჭირს მათი აზრის გაზიარება.	უმეტეს წილად თა ნამშრომლობს  ჯგუ-ფის წევრებთან და ახერხებს მათთვის საკუთარი შეხედულე-ბების ახსნას და დასაბუთებას.ეხმარება, მაგრამ ხანდახან ვერ იცავს ტაქტს.	ყოველთვის მზადაა თანამშრომლობისთვის და აზრთა გაცვლა გა- მოცვლისთვის, საჭირო ებისას ტაქტიანად ეხმა რება ჯგუფის წევრებს.
ცოდნა უნარები	უმეტეს შემთხვევაში უჭირს მასალის ღრმა წვდომა, მიღებული ცოდ-ნის გამოყენება,  დავალებებს ვერ ასრულებს ბოლომდე.	უმეტეს წილად წვდება თემის არსს, მაგრამ ზოგჯერ ვერ  განაზოგადებს მას. .ხანდახან ვერ იყენებს პრაქტიკაში, ასევე ხანდახან ვერ ახერხებს საბოლოო შედეგამდე მისვლას.	ყოველთვის გააზრებუ ლი აქვს თემის აზრი . წარმატებით ახდენს მის ტრანსფორმაციას სხვადასხვა შემთხვევე ბისთვის და ყოველთ ვის მიდის სასურველ შედეგამდე.

               

დანართი 2

 შეფასების სქემა გასასვლელი ბარათებისთვის

     

კრიტერიუმი	1-4	5-6	7-8	9-10
ასრულებს სხვადასხვა მნიშვნელიანი წილადების შეკრებას	ვერ პოულობს შესაკრებებისთვის საერთო მნიშვნელს	მოძებნის შესაკრებებისთვ-ის საერთო მნიშვნელს მაგრამ არასწორად პოულობს დამატებით მამრავლებს მრიცხველებისთვის	მოძებნის საერთო მნიშვნელს შესაკრებებისთვ-ის,პოულობს დამატებით მამრავლებს სწორად, მაგრამ მიღებულ მრიცხველებს კრებს არასწორად	სხვადასხვა მნიშვნელიანი წილადე-ბის შეკრე-ბას ასრუ-ლებს ზედ-მიწევნით სწორად.
იყენებს სხვადასხვამნიშვნელიანი წილადების შეკრებას ამოცანის ამოხსნისას	განასხვავებს ამოცანაში ცნობილ და საძიებელ სიდიდეებს, მაგრამ ვერ ადგენს გამოსახულებას	განასხვავებს ამოცანაში ცნობილ და საძიებელ სიდიდეებს, ად-გენს გამოსახუ-ლებას მაგრამ ვერ კრებს წილადებს	განასხვავებს ამოცანაში ცნობილ და საძიებელ სიდიდეებს, ად-გენს გამოსახუ-ლებას,  კრებს წილადებს ,მაგრამ უშვებს მცირე შეცდომებს(მრიცხველებს კრებს შეცდომით	ამოცანას ხსნის ზედმიწევნ-ით სწორად

                                                                                                                 

დანართი 3

  შეფასების სქემა პრეზენტაციისთვის

     

კრიტერიუმი	1	2	3	4
პრაქტიკული მაგალითების ამოხსნის საფუძველზე სხვადასხვამნიშვნელიანი წილადების სეკრების წესის მიგნება	ვერ კრებს სხვადასხვამნიშვნელიან წილადებს და ვერ მსჯელობს შეკრების წესის შესახებ	კრებს სხვადასხვამნიშვნელიან წილადებს, მაგრამ ვერ მსჯელობს შეკრების წესის შესახებ	კრებს სხვადასხვამნიშვნელიან წილადებს, მაგრამ შეკრების წესის შესახებ მსჯელობს მცირე უზუსტობით.	კრებს სხვადასხვამნიშვნელიან წილადებს და შეკრე-ბის წესს აყალიბებს ზედმიწევნ-ით სწორად.

დანართი 4

ჯგუფურ მუშაობაზე დაკვირვების ცხრილი

ჯგუფის N	ქცევის წესები	ურთიერთთანა-მშრომლობა	დროის ლიმიტის დაცვა	პრობლემის გადაწყვეტის სისწორე	მსჯელობის უნარი

               

რიგითი N	გვარი, სახელი	იცავს ქცევის წესებს	ჩართულია საგაკვბეთილო პროცესში,	თანამშრომლობს ჯგუფში	მსჯელობს მკაფიოდ და სწორად
1
2
3
4
5

დანართი 6

        გასასვლელი ბარათი 1

1)      შეკრიბეთ წილადები: ა)  1/6+3/10

2)      ამოცანა: სანდრომ ხელფასის    1/15  ნაწილით ტელევიზორი იყიდა, ხოლო    2/3-ით  კომპიუტერი. ხელფასის რანაწილი გადაიხადა სანდრომ სულ ტექნიკაში ?

        გასასვლელი ბარათი 2

1)      შეკრიბეთ წილადები:  a)1/6+4/9 

2)      ამოცანა: მეტალის მილი გაჭრეს ორ ნაწილად რომელთა სიგრძეებია  1/3მ და  1/5მ. რა სიგრძის იყო მილი გაჭრამდე?

        გასასვლელი ბარათი 3

1)      შეკრიბეთ წილადები: ა)5/6+3/4

2)      ამოცანა: ერთმა კომბაინმა ყანის  3/7, ხოლო მეორე კომბაინმა  1/14 ნაწილი მომკა. ყანის რა ნაწილი მომკა ორივე კომბაინმა?

             გასასვლელი ბარათი 4

1)      შეკრიბეთ წილადები: ა) 3/8+5/6

2)      ამოცანა:  მაღაზიაში პირველდღეს კარტოფილის 3/5, ხოლო მეორე დღეს 1/10  ნაწილი გაიყიდა. კარტოფილის რა ნაწილი გაიყიდა ორივე დღეს?